MAY BAGONG pasabog ang 3:16 Media Network ni Len Carillo.
Sa kasagsagan ng paghahanda sa kanyang Metro Manila Fim Festival entry this year na “My Father, Myself”, idinaos na ang storycon para sa kasunod na proyekto nito, ang “A Cup of Flavor”.
Kasama ang magiging direktor na si Ma-an L. Asuncion-Dagñalan, sila ni Quinn Carillo ang sumulat ng istorya’ng tatampukan nina Sean de Guzman, JC Santos, Barbie Imperial at Rowan Diaz.
Tuwang-tuwa ang mga katulong na producer ni Len na kinabibilangan nina Nikko Abad, Jom Corpuz at Jonathan Castillo sa inihaing magandang lovestory ng team ni Len sa kanila.
Tiyak na marami ang mai-in love sa apat na karakter.
This will be shot entirely in Atok, Benguet this Christmas season!
Patikim pa lang ito at ayon sa line-producer na si Dennis Evangelista, ibang kilig ang ihahatid ng ngayon pa lang magsasama-sama sa nasabing proyekto. (30)
